Asistensia Japaun nian ba Timor Leste

 

 

Asisténsia Orsamentu husi Japaun:

“ba Projetu Hadia Urjente Sistema Fornesimentu Bemos iha Bemos-Dili”

 

 

May 26, 2009

 

Governo Japaun desidi tiha ona hodi hanaruk tan asisténsia orsamentu to’o milaun atus nen sia nulu resin haat yen Japaun (¥694,000,000), ekivalente ho milaun hitu rihun atus tolu lima Dolares Amerikanu ($7,305,000), ba “Projetu Hadia Urjente Sistema Fornesimentu Bemos” iha bemos Dili”

 

Troka Notas no documentus sira seluk asina iha loron 26 fulan Maiu tinan 2009 iha Ministériu Negósiu Estranjeiru iha Dili entre Sua Exelélensia Señór, José Luiz Guterres, Vise Priméiru Ministru, Ministru Negosiu Estranjeiru interinu ho Sua Exelénsia Señór Iwao Kitahara, Embaixadór Estraordináriu no Plenipotensiáriu Japaun nian iha Ministériu Negosiu Estranjeiru Dili.

 

Projetu ne’e espera atu hadia sistema fornesimentu bemos iha Dili funsiona ho diak. Sistema fornesimentu bee nebe utiliza husi Mota Bemos koberta kuaze volume 35% ba bee rai laran iha Dili. Maske nunee tranzmisaun kadoras bee nian grave tebes tamba hetan estragus husi mota boot iha tinan 2004 no 2005.

 

Projetu ne’e ho objetivu atu asegura kadoras bee funsiona ho diak, hamutuk rehabilitasaun ba tratamentu planta bee nian iha Bemos. Japaun hanaruk tan ona nia kooperasaun hodi fo fornesimentu bee ho diak iha Dili no mos iha distritu sira. Iha Dili deit, governu Japaun aloka ona orsamentu miliaun 30 resin dolares amerikanu hanesan fundu asisténsia.

 

Hodi populasaun Japaun nia naran, Embaixada Japaun ho sinsere hein katak projetu ida nee sei kontribui atu hametin liutan relasaun amigavel entre nasaun rua nee, Japaun ho Timor Leste.

 

 

(remata)

 

 

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130